Баруун хязгаарын хүйтэн тэсгэм газраас дэлхийн зиндааны баячууд бужигнасан Шанхайд нэгэн сэргэлэн нь дэндсэн Монгол бүсгүй байх. Тэрээр олон улсын нэр хүндтэй өндөр зэрэглэлийн компанид гадаад худалдааны менежер хэмээх ажил албыг нэр төртэй хийж явна. Буянтогтохын Баттогтох гэдэг.Тэднийхэн гурван үеэрээ Увс аймгийн Зүүнговь сумын унаган иргэд аж. Арван жилийн сурагч байхын байгаа үгүй нь мэдэгдэхгүй, ичимхий, дуугүй, даруухан охин байсан гэдэг. Хорвоотой  танилцаж, их эрдэм сурахаар арванзургаахан насанд баймгүй зориг гарган эх нутаг Монголоо анх орхиж хилийн бүс давсан нь 6 жилийн өмнөх явдал. Анх дэлхийн хэл, эрдмийг сурахаар очсон Б.Баттогтох охин хүний нутагт түшиж тулах хүнгүй ч гэлээ их эрдэм хэлийг асар богино хугацаанд өөрийн болгон эзэмшиж чадсан нь цаашдынх нь амжилт карьерт нь сайнаар нөлөөлжээ. Тэр Азийн Парис Шанхайд  бяцхан биедээ багтамгүй том мөрөөдөлтэй хөл тавьсан.  Монгол нутагтаа хэрэгтэй, чухал хүн болж байж л эндээс буцна гэсэн хүсэл мөрөөдлийн хатуухан болзол нь  түүнийг өнөөдрийн түвшинд хүргэжээ. Дэлхийд хамгийн хурдтай хөгжиж буй Шанхай хот монгол охинд боломж олгожээ. Өнгөрсөн хугацаанд тэр сурч ажиллахын зэрэгцээ фитнесс, загварын ертөнцэд монгол бүсгүйн гоо үзэсгэлэн, ур ухааныг дэлхийн тайзнаа гаргаад амжжээ. “Miss Motors international-2012”, “Miss model of the world-2012”  зэрэг дэлхийн нэр хүнд зэрэглэл өндөртэй тэмцээнүүдэд урилгаар оролцож. Одоо Б.Баттогтох Монголынхоо “MissMongolia-2013”тэмцээнд оролцохоор эх орондоо дөрөө мултлаад байна.

 

 

 

-Найз залуутай болж амжаагүй л явна. Би дөнгөж 22-хон настай, энэ талаар яарахгүй байна. “Дэлхийн мисс”-т  Монгол улсаа төлөөлж ормоор байна. Бодож санасан хүмүүнлэгийн ажлаа эхлүүлэхийн тулд надад 1-2 жилийн хугацаа хэрэгтэй. Тэгэхээр гэр бүл төлөвлөлтийн асуудлыг 25 наснаас хойш бодолцоно.