Өнгөрсөн долоо хоногт Засгийн газраас иргэн бүрт эзэмшүүлсэн “Эрдэнэс Тавантолгой” ХК-ийн 1072 ширхэг хувьцааны 300-г нь худалдаж авах шийдвэр гаргасан. Үүний дагуу өнөөдрөөс иргэд хувьцаагаа худалдах боломжтой болж байгаа.

Хувьцаагаа худалдахыг хүссэн иргэд доор дурдсан дарааллын дагуу хүсэлтээ гаргах юм.

• 322 ширхэгээс их хувьцаатай байх ёстой. Хувьцааны тоог шалгах: https://net.schcd.mn/registration/
• Шалгаж үзээд 322 ширхэгээс их хувьцаа байвал та хувьцаагаа зарж болно.
• 18 нас хүрсэн байх ёстой.
• Брокер, дилерийн компанид данстай байх шаардлагагүй.
• Өөрийн үйлчлүүлдэг банкны аль ч салбарт очоод хувьцаагаа худалдах өргөдлөө бөглөсөн байна. /3 хувь үйлдэнэ./
• Өргөдлийн маягтыг: https://www.schcd.mn/wp-content/uploads/2016/06/mayagt1.pdf
• Өргөдлийн маягтын ард талд өөрийн иргэний үнэмлэхээ сканнердаж хавсаргана.
• 3 хувь үйлдсэн өргөдлөө банкинд өгнө.

Анхааруулахад, маш олон хүн өргөдөл гаргаж байгаа учраас цаг хожихын тулд өөрөө өргөдлөө 3 хувь хэвлэж гаргаад бөглөн банкинд өгөөрэй.

Нэмж мэдээлэхэд, арилжааны банкууд хувьцаагаа худалдахаар хүсэлт гаргасан иргэдийн мөнгийг 21 хоногийн дотор гурав хувааж олгох аж.