Шууд Chart

“Цэргийн ралли-2022” олон улсын тэмцээнээс хоёр мөнгө, нэг хүрэл медаль хүртлээ

2022-08-18 10:07:26

Тэмцээний дүнгээр Камаз “4х4” ангилалд чиглүүлэгч, Зэвсэгт хүчний 011 дүгээр ангийн Автотехникийн засварын цехийн агрегат засварын хэсгийн дарга, ашиглалтын инженер ахлах дэслэгч М.Шийрэвноров, жолооч Зэвсэгт хүчний 089 дүгээр ангийн засварын тасгийн дарга, машины дарга ахлах ахлагч Б.Баатархүү нар хүрэл медаль, Урал “4х4” ангилалд чиглүүлэгч Зэвсэгт хүчний 011 дүгээр ангийн Инженерийн засварын цехийн дарга ахмад Б.Ариунбаатар, жолооч Зэвсэгт хүчний 089 дүгээр ангийн Тээврийн салааны ахлагч сургагч ахлагч Х.Ширмэнхоовон нар мөнгөн медаль хүртлээ.

Мөн Урал “6х6” ангилалд чиглүүлэгч Зэвсэгт хүчний 011 дүгээр ангийн Техникийн бага мэргэжилтэн бэлтгэх сургалтын төвийн Замын хөдөлгөөний дүрмийн ахлах багш ахлах дэслэгч Б.Мөнгөнхуяг, жолооч Зэвсэгт хүчний 089 дүгээр ангийн Тээврийн салааны жолооч ахлах ахлагч Б.Алтанхуяг нар мөнгөн медаль хүртсэн байна.

Ташрамд дурдахад, өнөөдөр тэмцээний 3 дугаар шатанд багийн буудлага (5.45 мм-ийн АКМС-74) болон пулемётын (7.62 мм-ийн ПКТ) буудлагын тэмцээнтэй бол маргааш тэмцээний 4 дүгээр шат буюу багийн уралдаанд Монголын баг тамирчид тус тус өрсөлдөнө гэж Зэвсэгт хүчний Жанжин штабаас мэдээллээ.


“Цэргийн ралли-2022” олон улсын тэмцээнээс хоёр мөнгө, нэг хүрэл медаль хүртлээ  
Үзсэн: 220 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй