Үндэсний телевиз
Цагийн хүрд
Найм арваннэг
Нийслэлийн Хүнс, хөдөө аж ахуйн газраас есөн дүүргийн Засаг даргын Тамгын газрын Хүнс, худалдаа үйлчилгээний хэлтсийн дарга нарыг оролцуулан зөвлөлдөх уулзалт зохион байгууллаа.
Уулзалтаар улирлын чанартай түр сүүдрэвчтэй худалдаа, үйлчилгээ, явуулын үйлчилгээтэй түргэн хоолны цэг эрхлэхтэй холбоотой НИТХ-ын тогтоолоор батлагдсан Нийслэлийн нутаг дэвсгэрт худалдаа, үйлчилгээ эрхлэх нийтлэг журмын хэрэгжилтийг хангуулах талаар хэлэлцэв. Түүнчлэн ил задгай худалдаа, үйлчилгээ эрхэлж буй иргэдийн үйл ажиллагааг тус журамд нийцүүлэх, болзошгүй эрсдэлээс урьдчилан сэргийлэх, хүнсний аюулгүй байдлыг хангуулж ажиллах талаар санал солилцлоо.
Зөвлөлдөх уулзалтын үр дүнд зөвшөөрөгдсөн байршилд улирлын чанартай түр сүүдрэвчтэй худалдаа, үйлчилгээ, явуулын үйлчилгээтэй түргэн хоолны цэг эрхлэх иргэн, аж ахуйн нэгжүүдэд хүнсний аюулгүй байдлыг хангаж ажиллах талаар зөвлөмж боловсруулан хүргүүлсэн юм.
| Сүүдрэвчтэй болон явуулын хүнс худалдаа, үйлчилгээ эрхлэгчдэд зөвлөмж хүргүүллээ | ||
| Үзсэн: 391 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.