“Сэлбэ“ зуслан цэцэрлэгийн насны хүүхдүүдийг амраажээ. Тодруулбал, 6-гаас доош насны хүүхдийг зусланд амраах хориотой. Иймээс Мэргэжлийн хяналтын газраас тус газрын үйл ажиллагааг зогсоосон байна.

Үүнээс гадна зуслангийн ойролцоо дэлгүүр ажиллаж архи, шар айраг, хугацаа дууссан, хаана, хэн хийсэн нь тодорхой бус хүнс зарах тохиолдол бий. Мөн эрүүл ахуйн шаардлага хангахгүй орчинд хоол хийж байгаа эсэхийг хянадаг эмч зусланд заавал ажиллах ёстой гэж Нийслэлийн мэргэжлийн хяналтын газрын Улсын ахлах байцаагч н.Алтантуул ярилаа.

Энэ зун нийслэлийн хэмжээнд 20 орчим хүүхдийн зуслан ажиллана. Эдгээр зуслан бүгд дунд эрсдэлтэй гэсэн үнэлгээ авчээ. Иймээс үйл ажиллагаа жигдрээд ирэхээр явцын хяналт хийнэ гэж тэрбээр хэллээ.