Өвөрхангай аймаг улсдаа хамгийн өндөр үнээр мал мах худалдан авч байна. Тус аймгийн эдийн засгийн 60 гаруй хувийг мал аж ахуйн салбар бүрдүүлдэг. Мал, мах бэлтгэх болон малын гаралтай түүхий эд, бүтээгдэхүүнийг боловсруулах дөрвөн үйлдвэр ашиглалтад оруулжээ.

Эдгээр үйлдвэрийг нэг ээлжиндээ өдөрт 500 толгой бог, 80-100 толгой бод төхөөрөх хүчин чадалтай бүрэн автоматжсан тоног төхөөрөмжөөр тоногложээ. Үйлдвэр бий болсноор ажлын байр нэмэгдэхийн зэрэгцээ нутгийн иргэдийн амьжиргааны түвшин дээшилж байгааг Өвөрхангай аймгийн Засаг дарга Г.Ганболд ярилаа.

Өвөрхангай аймаг нь малын тоо толгойгоор улсдаа тэргүүлдэг. Махны үйлдвэр нь малын эмчийн өрөө, амрах байр, ажилчдын нийтийн гал тогоо, эрэгтэй эмэгтэй душ, ариун цэврийн өрөө, ариутгах өрөө гэх мэт цогц шийдлээс бүрджээ.