Үндэсний телевиз
Цагийн хүрд
Найм арваннэг
Төрийн албан хаагчийн тухай шинэ хуулийг энэ оны нэгдүгээр сараас мөрдөж эхэлсэн юм. Хуулийг хэрэгжүүлэх ажлын хүрээнд ерөнхий шалгалт өгөх иргэдийн материалыг цахимаар бүртгэж эхэлсэн байна. Бүртгэлийг энэ сарын 1-нээс орон даяар эхлүүлжээ.
Харин шалгалтыг ирэх сарын 11-25-ны өдрүүдэд улсын хэмжээнд зэрэг зохион байгуулах бөгөөд нийт гурван шалгалт авна. Эхний шалгалт буюу ерөнхий мэдлэгийн шалгалтад 35 ба түүнээс дээш оноо авсан шалгуулагч монгол хэл, монгол бичиг болон логик сэтгэлгээг үнэлэх шалгалтыг өгөх юм.
Шалгалтад тэнцсэн шалгуулагч гурав хүртэлх жилийн хугацаанд төрийн албан хаагчийн нөөцөд бүртгэгдэнэ. Тэгвэл энэ жилийн хувьд төрийн албан хаагчийн шалгалт өгөхөөр бүртгүүлж байгаа иргэд хувийн мэдээллээ буруу оруулах зөрчил их гарч байгааг Төрийн албаны зөвлөлөөс мэдээллээ.
Төрийн албаны зөвлөлийн гишүүн н.Баатарсайханы ярианд анхаарлаа хандуулъя.
Улсын хэмжээнд төрийн албан хаагчийн шалгалт өгөхөөр 100 гаруй иргэн бүртгүүлээд байна.
| Төрийн албан хаагчийн шалгалт өгөх иргэдийн материалыг цахимаар бүртгэж байна | ||
| Үзсэн: 1352 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.