Улсын Онцгой комисс өнөөдөр /2020.07.28/ хуралдаж, сургууль, цэцэрлэгийн үйл ажиллагааг ирэх есдүгээр сарын 1-нээс, Мэргэжлийн боловсролын сургалтын байгууллагын хичээл 2020 оны 09 дүгээр сарын 14-ний өдрөөс, их, дээд сургууль, коллежийн хичээл 2020 оны 10 дугаар сарын 05-ны өдөр эхэлнэ.

Гадаад, дотоод хүчин зүйлийг харгалзан үзэж, гамшгаас хамгаалах өндөржүүлсэн бэлэн байдлыг наймдугаар сарын 31-ийг дуусах хүртэл хугацаанд сунгах санал гаргалаа. Эдгээр саналыг маргааш болох Засгийн газрын ээлжит хуралдаанд оруулж шийдвэрлүүлнэ.

Мөн ирэх наймдугаар сард Сөүл рүү 3 удаа, Франкфурт руу 3 удаа, Токио руу 2 удаа, Сидней рүү 1 удаа, Энэтхэг, Вьетнам руу 1 удаа, Турк руу 1 удаа, АНУ руу 1 удаа, нийт 8 чиглэлд 14 нислэг хийж, 3460 иргэнээ татан авахаас гадна олон улсын шилжилт хөдөлгөөний байгууллагын шугамаар Чехийн онгоцоор 100 гаруй иргэнээ татан авах шийдвэрийг гаргаад байна.