Шууд Chart

Эрүүл мэндийн сайд С.Энхболд “Геронтологийн үндэсний төв”-д ажиллалаа

2022-05-06 17:10:27

Өнөөдөр буюу тавдугаар сарын 6-нд Эрүүл мэндийн сайд С.Энхболд Геронтологийн үндэсний төвд ажиллаж, тус төвөөр үйлчлүүлж буй ахмад настнуудын санал хүсэлтийг сонслоо.
 
Геронтологийн үндэсний төвийн барилга 1959 онд ашиглалтад орж “Хүүхдийн амбулатори”, “Сүрьеэгийн диспансер”, “Эрүүл мэндийн 2-р төв” зэрэг байгууллагууд урьд өмнө нь үйл ажиллагаа явуулж байсан, 2005 онд Геронтологийн үндэсний төв байгуулагдаж орсноор 513 м2 талбай бүхий 16 өрөөнд үйл ажиллагаа явуулж байна.
 
Сүүлийн жилүүдэд Монгол Улсын хүн амын дундаж насжилт нэмэгдэж байна. Үндэсний статистикийн хорооны мэдээлснээр 2000 онд 63.7 байсан дундаж наслалт 2020 оны байдлаар 70.4 болж уртассан  ба нийт хүн амд ахмад настны эзлэх хувь 6.4 хувьтай байна. Энэ нь 2030 онд 12.0 хувь, 2050 онд 21.1 хувьд хүрэх төлөвтэй байна.
 
 
 
Монгол Улсын Засгийн газраас насжилтын асуудлаарх урт хугацааны бодлогын баримт бичиг болох “Монгол Улсын хүн амын насжилтын асуудлаарх үндэсний стратеги” болон Монгол Улсын Засгийн газрын 2020-2024 оны үйл ажиллагааны хөтөлбөрийн 2.5.8-д “Алсын хараа-2050” Монгол Улсын урт хугацааны хөгжлийн бодлогын баримт бичиг, Монгол Улсыг 2021-2025 онд хөгжүүлэх таван жилийн үндсэн чиглэлд өсөн нэмэгдэж байгаа настанд зөв эрүүл насжилт, настны эрүүл мэндийн чиглэлээр үе шаттай бодлого, хөтөлбөрийг хэрэгжүүлэн ажиллаж эрүүл идэвхтэй насжилтыг дэмжих хэрэгцээ шаардлага тулгарч байна. Иймд энэхүү асуудлын хүрээнд ахмад настны чиглэлээр үйл ажиллагаа явуулж буй үндэсний төвийн ерөнхий захирал Р.Хишигжаргал энэ үеэр танилцууллаа.
 
 
 
Эрүүл мэндийн сайд С.Энхболд Геронтологийн үндэсний төвийн үйл ажиллагаатай танилцаж  эмч эмнэлгийн ажилчид болон үйлчлүүлэгчдийн санал, хүсэлтийг сонсов.
 
Энэ үеэр тус төвд 4 датчиктай зөөврийн эхо, холтер, зөөврийн рентген аппарат зэрэг нэн шаардлагатай тоног төхөөрөмжийг шийдвэрлэв. Мөн Геронтологийн үндэсний төвийн шинэ барилгын шавыг Хан-Уул дүүргийн 10 дугаар хорооны нутаг дэвсгэрт 2011 онд тавьсан ч өнөөдрийг хүртэл хүртэл ашиглалтад ороогүй асуудлыг яаралтай шийдвэрлэхийг Эрүүл мэндийн сайд С.Энхболд удирдлагуудад үүрэг болголоо. 
 


 
 
 

 

Нийтэлсэн: Эрүүл мэндийн яам

Эрүүл мэндийн сайд С.Энхболд “Геронтологийн үндэсний төв”-д ажиллалаа  
Үзсэн: 973 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй