Шууд Chart

БНСУ-ын Сүнчинхён эмнэлгийн захирлыг хүлээн авч уулзав

2022-05-13 16:43:39

Эрүүл мэндийн яамны Төрийн нарийн бичгийн дарга Ц.Эрдэмбилэг өнөөдөр БНСУ-ын Сүнчинхён эмнэлгийн дарга ноён Lee Jeong Jae, тус эмнэлгийн олон улсын тусламж үйлчилгээний төвийн захирал Kim Jeong Sig болон албаны бусад хүмүүсийг хүлээн авч уулзав. Мөн тус уулзалтанд ЭМЯ-ны газар, хэлтсийн дарга нар оролцож БНСУ-ын Сүнчинхён эмнэлэгтэй цаашид хамтын ажиллагаагаа өргөжүүлэх талаар харилцан мэдээлэл солилцов.

 
 
2011 оны гуравдугаар сард Монгол Улсын Эрүүл мэндийн яам болон БНСУ-ын Эрүүл мэнд, нийгмийн халамжийн яам хоорондын эрүүл мэндийн салбарт хамтран ажиллах Харилцан ойлголцлын санамж бичиг байгуулагдаж улмаар тухайн оны 8 дугаар сард БНСУ-ын Ерөнхийлөгч Ли Мен Баг-ийн Монгол Улсад хийсэн төрийн айлчлалын үеэр Монгол Улсын Эрүүл мэндийн яам болон БНСУ-ын Эрүүл мэнд, нийгмийн хамгааллын яам хоорондын эрүүл мэндийн салбарт хамтран ажиллах баримт бичигт хоёр улсын Эрүүл мэндийн сайд нар гарын үсэг зурсан. 
 
 
 
Санамж бичгийн хүрээнд “Сөүл Төсөл”-ийг хамтран хэрэгжүүлж Монголын эмч, мэргэжилтнүүдэд зориулсан эмнэл зүйн сургалт болон Солонгосын эмч профессорууд Монгол Улсад ирж хамтран ажиллах “Зочин Профессор”-ын хөтөлбөрийг 2014 оноос эхлэн хэрэгжүүлж эхэлсэн.  Хөтөлбөрийн хүрээнд манай орноос нийт  153 эмч мэргэжилтэн 3-6 сарын хугацаатайгаар эмнэл зүйн сургалтад хамрагдаад байна. Мөн Улсын нэгдүгээр төв эмнэлэг болон Солонгосын АСАН анагаах ухааны төв хооронд хамтран ажиллах гэрээ байгуулж ажиллахын зэрэгцээ  Хавдар судлалын үндэсний төв, Солонгосын Самсунг Эрүүл мэндийн төв хамтран элэг шилжүүлэн суулгах чиглэлээр хамтран ажиллаж байна. Дээрх хамтын ажиллагааны хүрээнд элэг шилжүүлэн суулгах үндэсний баг бий болж чадавхжсан юм.
 

 
Энэ удаагийн уулзалтаар тус эмнэлэгтэй хамтын ажиллагаагаа улам өргөжүүлж эмч, эмнэлгийн мэргэжилтнүүдийг чадавхжуулах харилцан туршлага солилцох, Монгол Улсад оношлогдож эмчлэгдэх боломжгүй байгаа өвчнийг эх орондоо оношилж эмчилдэг болох, орон нутгийн эрүүл мэндийн байгууллагын чадавхийг бэхжүүлэх, Монгол Улсаас тус эмнэлэгт эмчилгээ, оношилгоо хийлгэхээр очиж байгаа иргэдэд үзүүлэх тусламж үйлчилгээнд хөнгөлөлт үзүүлэх боломжийг судлах, хавдрын улмаас тус эмнэлгээр үйлчлүүлж мэс засал хийгдсэн өвчтөнүүдэд тавих урт хугацааны хяналтын талаар хоёр тал ярилцлаа.

 

Нийтэлсэн: Эрүүл мэндийн яам

БНСУ-ын Сүнчинхён эмнэлгийн захирлыг хүлээн авч уулзав  
Үзсэн: 657 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй