Шууд Chart

Хөгжлийн бэрхшээлтэй хүүхдүүдийн эцэг, эхийн төлөөллийг хүлээн авч уулзав

2022-06-10 12:45:02

Өнөөдөр Эрүүл мэндийн сайд С.Энхболд, Хөдөлмөр, нийгмийн хамгааллын сайд А.Ариунзаяа нар хөгжлийн бэрхшээлтэй хүүхдүүдийн чиглэлээр ажилладаг төрийн бус байгууллагууд болон эцэг, эхийн төлөөллийг хүлээж авч уулзлаа.
 
Уулзалтаар сайд нар хэд хэдэн чухал асуудлыг шийдвэрлэлээ.

 Үүнд:
  • Тархины саа ба тархины эмгэгтэй хүүхдүүдийн одоо хөнгөлөлттэй олгож буй эмийг төрөөс 100 хувь даадаг болох,
  • Хомсдол үүсээд байгаа эмүүдийг ойрын хугацаанд гадаад улсуудаас татан авах,
  • Ойрын хугацаанд зөвхөн өндөр хөгжилтэй орнуудад хийж буй тархины шалтгаант саажлын үед хийгддэг ризотоми хагалгааг Монгол улсад хийдэг болох
Түүнчлэн Эрүүл мэндийн сайд С.Энхболд, Хөдөлмөр, нийгмийн хамгааллын сайд А.Ариунзаяа нар тархины саажилттай хүүхдүүдийн тусламж үйлчилгээний хүртээмжийг нэмэгдүүлэх зорилгоор Хөгжлийн бэрхшээлтэй хүүхдийн сэргээн засах төв дээр хөгжлийн бэрхшээлтэй хүүхдэд үйлчлэх зорилго бүхий төрөлжсөн тасаг байгуулан ажиллуулахаар болов.  
 
 
 
  

 
Нийтэлсэн: Эрүүл мэндийн яам

Хөгжлийн бэрхшээлтэй хүүхдүүдийн эцэг, эхийн төлөөллийг хүлээн авч уулзав  
Үзсэн: 357 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй