"Рио 2016" зуны Олимпийн наадам эхлэхэд 44 хоног үлдлээ. Олимпид эх орноо төлөөлөн оролцох тамирчдадаа зориулан "Увертюра" хамтлаг "Бид эх оронтойгоо хамт" шинэ уран бүтээл хийсэн байна.

МУСТА А.Эрдэнэ-Очир шүлгийг нь бичиж, МУСТА Цэндээгийн Эрдэнэбат аяыг нь хийсэн энэ уран бүтээлийн хөгжмийн найруулгыг "Анир" дуу бичлэгийн студи хийжээ.

МҮОНРТ-ийн спортын алба, Анир студи, Олимп хөгжлийг дэмжих сан, Олимпийн хороо, Байт харвааны холбоо, бүх үүрэн телефонийн операторууд, Улсын төв архив, Төрийн ордны ёслол хүндэтгэлийн алба, Биеийн тамирын дунд сургууль зэрэг олон байгууллага, хувь хүмүүсийн оролцоо, дэмжлэгтэйгээр бүтсэн "Бид эх оронтойгоо хамт" шинэ уран бүтээлийг уншигч танаа хүргэе.