Үндэсний телевиз
Цагийн хүрд
Найм арваннэг
БСШУСЯ-ны тайланд “7-8 баллын газар хөдлөлт болоход манай улсын 656 сургуулийн 27 хувь нь тэсэхгүй” гэж дурджээ. Улсын хэмжээнд төрийн болон хувийн ерөнхий боловсролын 803 сургууль үйл ажиллагаа явуулж байна. Нийт сургуулийн 60-аас дээш хувь нь 45-аас дээш жилийн насжилттай нь хүүхдүүдийн аюулгүй байдалд сөрөг нөлөө үзүүлж байгааг НҮБ-ын Хүүхдийн сан сануулсан юм. “Зөвхөн энэ онд сургуулийн орчинд 200 гаруй хүүхэд бэртсэн” гэж БСШУСЯ-ын Ерөнхий боловсролын бодлогын газрын мэргэжилтэн н.Дуламханд ярилаа.
Сурагчдын ихэнх нь сургуулийн ойр орчимд байрлах шовх үзүүртэй хайс, хашаа, цахилгааны утаснаас болж бэртсэн байна. Мөн нийслэлийн олон сургуулийн дэргэд замын хурд сааруулагч байдаггүйгээс болж, 50 орчим хүүхэд зам тээврийн осолд оржээ.
БСШУСЯ, сургуулийн орчны аюулгүй байдлыг сайжруулах зорилгоор олон улсын байгууллагуудтай хамтран “Ерөнхий боловсролын сургууль, цэцэрлэгийн аюулгүй байдал”-ыг сайжруулах зөвлөмжийг батлаад байна.
| 7-8 баллын газар хөдлөлт болоход 656 сургуулийн 27 хувь нь тэсэхгүй | ||
| Үзсэн: 941 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.