Шууд Chart

Зарим голын усны түвшин өмнөх өдрийнхөөс 10-25 см нэмэгджээ

2022-07-16 12:48:35

Долоодугаар сарын 16-ны өдрийн байдлаар Таац, Хөгшин Орхон, Бэлтэс, Хануй, Орхон, Онги, Зүүнтүрүү, Зэрстэй, Хурх голуудын усны түвшин өмнөх өдрийнхөөс 10-25 см нэмэгдсэн байна.

Мөн түүнчлэн Хөгшин-Орхон, Хархираа, Онон, Улз голын адаг болон  Бэлтэс, Хэрлэн голын эхээр үерийн түвшинг 5-40 см даван үерлэж харин Үүр-Цагаан гол үерийн аюултай түвшинд хүрч хүчтэй үерлэж байна.

Маргааш буюу долоодугаар сарын 17-нд Туул-Лүн, Онги-Сайхан овоо, Онги-Арвайхээр 10-15 см орчим харин Хэрлэн-Өндөрхаан, Орхон-Өлзийт 5-10 см усны түвшин нэмэгдэх хандлагатай байна.       

Ойрын өдрүүдэд нутгийн баруун болон төвийн зарим хэсгээр үргэлжилсэн болон түр зуурын бороо орох төлөвтэй байгаа тул дээрх голууд болон баруун, төвийн аймгуудаар урсан өнгөрөх гол мөрний усны түвшин тухайн хугацаанд орсон хур борооны эрчимшил хэмжээнээс шалтгаалан богино хугацаанд голын түвшин огцом нэмэгдэх мөн жижиг гол, хуурай сайраар уруйн үер буух магадлал өндөр байна.       

Иймд голын эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас сонор сэрэмжтэй байж голын эрэг хөвөө дагуу бууж сууршихгүй, бага насны хүүхдийг анхаарал халамжгүй, гол руу зориулалтын болон зориулалтын бус хөвөгч ашиглан орохгүй байхыг онцгойлон анхааруулж байна.

Мөн хот суурин газрын үерийн далангийн ус зайлуулах хоолойгоор ус чөлөөтэй урсах нөхцөлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна.

Ус, цаг уур, орчны судалгаа мэдээллийн хүрээлэн

Гадаргын усны судалгааны хэлтэс


Зарим голын усны түвшин өмнөх өдрийнхөөс 10-25 см нэмэгджээ   
Үзсэн: 663 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй