Шууд Chart

“Алтан цом”-ын төлөөх барилдаанд Өвөрхангай аймгийн баг эхний ялалтаа авлаа

2023-12-06 09:08:24

Монголын Үндэсний Бөхийн Холбооны “PEPSI-АЛТАН ЦОМ”-ын төлөөх хагас шигшээ барилдаанууд үргэлжилж байна. Тав дахь өдрийн “D” хэсгийн хоёр дахь барилдаан Хөвсгөл-Өвөрхангай аймгуудын дунд өрнөж, Өвөрхангай аймгийн баг 19:6-аар илт давуу эхний ялалтаа авлаа.
 
Өвөрхангай аймгийн багт улсын гарди Ц.Бямба-Отгон /2/, гуравдугаар тойргоос сэлгээнд сууж, түүний оронд орж барилдсан аймгийн арслан Т.Довчинсэмбээ /3/, улсын харцага Х.Гантулга /1/, дөрөвдүгээр тойргоос сэлгээнд сууж, түүний оронд орж барилдсан цэргийн арслан Б.Өлзийсайхан /1/, улсын харцага Б.Цэдэнсодном /3/ улсын начин Б.Лхагвадорж /5/, аймгийн хурц арслан О.Наранбаатар /4/ нийт 19 даваа авсан бол Хөвсгөл аймгийн багт улсын начин Б.Даваа-Очир /1/, улсын начин Ц.Сандагдорж /1/, аймгийн арслан Э.Баасанжав /1/, аймгийн арслан П.Хүрэлбаатар /1/, аймгийн арслан М.Цэрэн /2/ нийт 6 даваа авав. Хөвсгөл аймгийн баг сэлгээ авалгүй барилдав.
Өвөрхангай аймгийн багийн дасгалжуулагчаар улсын начин Да.Батбаяр, Хөвсгөл аймгийн багийн дасгалжуулагчаар аймгийн арслан Л.Нямбаяр нар ажиллав.
Ялсан баг шагналын 5.000.000 төгрөг болон бөхчүүд давааны мөнгөө тус тус гардсан юм.
 
Өнөөдөр буюу арванхоёрдугаар сарын 06-ны орой 19.45 цагаас Завхан-Өмнөговь аймгийн багууд барилдана.
 
 
МОНГОЛЫН ҮНДЭСНИЙ БӨХИЙН ХОЛБОО

“Алтан цом”-ын төлөөх барилдаанд Өвөрхангай аймгийн баг эхний ялалтаа авлаа  
Үзсэн: 2048 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй