Үндэсний телевиз
Цагийн хүрд
Найм арваннэг
Монголын Үндэсний Бөхийн Холбооны “PEPSI-Алтан цом”-ын төлөөх хагас шигшээ барилдаанууд өндөрлөх дөхөж байна. “С” хэсгийн хоёрдугаар тойргийн барилдаан Ховд-Төв аймгуудын дунд өрнөж, Ховд аймгийн баг 16:9-өөр хоёр дахь ялалтаа авав.
Ховд аймгийн багт улсын аварга О.Хангай /5/, улсын заан Б.Пүрэвсайхан /5/ улсын заан Б.Бат-Өлзий /3/ улсын харцага Г.Ганхуяг /0/, гуравдугаар тойргоос сэлгээнд сууж, түүний оронд орж барилдсан аймгийн арслан Ц.Төмөрцоож /2/, аймгийн арслан У.Батцоож /1/ нийт 16 даваа авсан бол Төв аймгийн багт улсын начин Г.Ганжад /2/, аймгийн хурц арслан Э.Төгөлдөр /1/ аймгийн арслан Л.Даваажамц /3/, аймгийн арслан Н.Дашдаваа /1/, аймгийн арслан Л.Энхтүвшин /2/, нар нийт 9 даваа авав. Төв аймгийн баг сэлгээгүй барилдав.
Ховд аймгийн багийн дасгалжуулагчаар улсын заан Ц.Мягмарсүрэн, улсын харцага Г.Алтангэрэл, Төв аймгийн багийн дасгалжуулагчаар улсын харцага Ө.Даваабаатар нар ажиллав.
Ялсан баг шагналын 5.000.000 төгрөг болон бөхчүүд давааны мөнгөө тус тус гардсан юм.
Өнөөдөр буюу арванхоёрдугаар сарын 12-ны 19.45 цагаас Өвөрхангай-Сэлэнгэ аймгийн багууд барилдана.
МОНГОЛЫН ҮНДЭСНИЙ БӨХИЙН ХОЛБОО
| “Алтан цом”-ын төлөөх барилдаанд Ховд аймгийн баг хоёр дахь ялалтаа авлаа | ||
| Үзсэн: 779 | Mongolian National Broadcaster |
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.