Үндэсний телевиз
Цагийн хүрд
Найм арваннэг
Гадаадын иргэн, харьяатын газрын дарга Д.Мөрөн БНСУ-аас Монгол Улсад суугаа ЭСЯ-ны Консул Кил Кан Мугийг өнөөдөр хүлээн авч уулзлаа. Уулзалтаар цаг үеийн асуудалтай (COVID-19) холбогдуулан БНСУ-аас Монгол Улсад суугаа иргэдийн талаар мэдээлэл өгч, тухайн улсын иргэдийн виз олголт, сунгалт, зорчих хөдөлгөөний асуудлаар харилцан санал солилцлоо.
Монгол Улсын иргэн БНСУ-д зорчих виз мэдүүлэн, виз олгогдсон тохиолдолд тухайн виз мэдүүлэгчийн гадаад паспорт дээр визний хаалтыг нааж олгодог байсан бол “БНСУ-д зорчих визний наалтын тогтолцоо” нь цаашид хүчингүй болж, виз олгогдсон ч гадаад паспорт дээр визний наалт наахгүйгээр “Виз олгогдсон тодорхойлолт”-ыг хэвлэж, гадаадын паспортын хамт олгох ажлыг зохион байгуулж буй талаар мэдээлэл өглөө. Мөн виз олгохоос татгалзсан тохиолдолд, гадаад паспортын арын хуудсанд татгалзсан тамга дардаг байсан тогтолцоог халж байгаа талаар дурдсан юм. Дээрх өөрчлөлтийг энэ сардаа багтаан хэрэгжүүлэхээр төлөвлөж байгаа аж.
Эх сурвалж: ГИХГ
| БНСУ-аас Монгол Улсад суугаа ЭСЯ-ны Консул Кил Кан Мугийг хүлээн авч уулзлаа | ||
| Үзсэн: 610 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.