Шууд Chart

БНСУ-д Хөдөлмөрийн гэрээгээр ажиллах хүсэлтэй иргэдийг цахимаар бүртгэнэ

2021-06-21 15:40:29

БНСУ-д Хөдөлмөрийн гэрээгээр ажиллах хүсэлтэй иргэдийг 2021 оны зургаадугаар сарын 29, 30-ны өдөр http://solongos.hudulmur-halamj.gov.mn:5000/ вэб сайтаар бүртгэнэ.
 
Солонгос хэлний түвшин тогтоох шалгалтын хуваарийг 2021 оны долоодугаар сарын 16-ны өдөр зарлана. Шалгалтыг 2021 оны долоодугаар сарын 26-наас есдүгээр сарын 17-ны хооронд зохион байгуулж, тэнцсэн иргэдийн нэрийг 2021 оны есдүгээр сарын 23-нд зарлана.
 
Бүртгүүлэхийг хүссэн иргэн нь:
 
  • 18-39 настай Монгол Улсын иргэн
  • Хорих ял шийтгэл эдэлж байгаагүй
  • БНСУ аас албадан гаргах буюу тус улсыг орхин явах захирамж гаргуулж байгаагүй
  • Монгол Улсаас гарах эрхээ хязгаарлуулаагүй
  • Өнгө ялгах чадвартай
  • Мэргэжлийн бус ажилчны E-9, усан онгоцны ажлын E-10 визээр БНСУ-д 5 болон түүнээс дээш жил ажиллаагүй байх шаардлага хангасан байх шаардлагатай.
 
Бүртгэл болон Онооны тогтолцооны шалгалтын дэлгэрэнгүйг http://hudulmur-halamj.gov.mn/content/36 , www.ezuvshuurul.mn ээс үзнэ үү.
 
Анхааруулга:
 
• Нурууны үений диск, гарын сарвуу дутуу тохиолдолд хэлний шалгалтад орж болох хэдий ч 2 дахь шалгалтад ажил үүрэг гүйцэтгэх чадамжгүй гэж үзэн хасах болно.
• Солонгос хэлний зохих мэдлэггүй бол бүртгүүлэхгүй байхыг зөвлөж байна.
• Бүртгэлийн хураамж болох 24 ам.долларыг төлснөөр таны бүртгэл баталгаажих болно.
 
Цахим бүртгэлийн solongos.hudulmur-halamj.gov.mn систем 2021 оны зургаадугаар сарын 29, 30-ны өдөр өглөө 09:00 цагт нээгдэж, 18:00 цагт хаагдана. Системд ухаалаг гар утас, компьютер, таблет зэргээс нэвтрэх боломжтой. 
 
 
Эх сурвалж: Хөдөлмөр, халамжийн үйлчилгээний ерөнхий газар

БНСУ-д Хөдөлмөрийн гэрээгээр ажиллах хүсэлтэй иргэдийг цахимаар бүртгэнэ   
Үзсэн: 17878 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй