Шууд Chart

Бөхчүүд сагсан бөмбөгөөр өрсөлдөж байна

2024-04-02 14:04:57

Биеийн тамир, спортын улсын хороо, Монголын үндэсний бөхийн холбоо, “Мөнгөн цагариг” клуб хамтран зохион байгуулж буй бөхчүүдийн сагсан бөмбөгийн аварга шалгаруулах тэмцээн Спортын төв ордны А зааланд энэ сарын 1-4-нд болж байна.

15 дахь удаагийн тэмцээний А хэсэгт улсын цолтой болон аймаг, цэргийн арслан цолтой 12 баг, Б хэсэгт аймаг, цэргийн заан, харцага, начин цолтой 12 баг өрсөлдөж байна.

Тэмцээнд аварга О.Хангай, арслан Э.Оюунболд, гарди Ц.Бямба-Отгон, заан Б.Пүрэвсайхан, Б.Бат-Өлзий, харцага Ш.Пүрэвгарьд, Х.Гантулга, Г.Бадрах зэрэг өндөр цолтой бөхчүүд оролцож байна.

Энэ тэмцээн анх 2003 онд болоход дархан аварга Г.Өсөхбаяр ахлагчтай Архангай аймгийн баг түрүүлсэн бол сүүлд 2019 онд болоход улсын гарди Ж.Бат-Эрдэнэ ахлагчтай Говь-Алтай аймгийн баг түрүүлж байв гэж Биеийн тамир, спортын улсын хорооноос мэдээллээ. 


Бөхчүүд сагсан бөмбөгөөр өрсөлдөж байна   
Үзсэн: 1564 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй