Шууд Chart

Барилга, хот байгуулалтын сайдын шуурхай хуралдаан боллоо

2024-04-02 15:51:59

Барилга, хот байгуулалтын сайдын ээлжит шуурхай хуралдаан өнөөдөр боллоо.

Шуурхай хуралдааны эхэнд яамны газар, хэлтэс, харьяа байгууллагууд, төслийн нэгжүүдийн удирдлагууд хийж хэрэгжүүлсэн ажил, үүрэг даалгаварын биелэлт, тулгамдаж буй асуудлууд, яаралтай шийдвэрлэх шаардлагатай ажлуудаа сайдад танилцууллаа.

Өнгөрсөн шуурхайгаас газар, хэлтсүүд, төслийн нэгжийн удирдлагуудад нийт 14 үүрэг даалгавар өгөгдсөн. Шуурхайн үүрэг даалгаварын биелэлтийг холбогдох газар нэгжүүд 66,4 хувьтай биелүүлж ажилласан байна.
 
Ирэх 14 хоногт яаралтай шийдвэрлэж, хэрэгжилтийг хангах ажлуудын хүрээнд Барилга, хот байгуулалтын сайд дараах үүрэг чиглэлүүдийг өглөө. 
 
-"Солонго 1, 2" орон сууцны хорооллын төслийн ажлыг эрчимжүүлж, орц гарцыг хааж газар олгосон асуудлыг хууль хяналтын байгууллагад хүргүүлэх;
-Улаанбаатар хотын хөгжлийн ерөнхий төлөвлөгөөний баримт бичгийг Олон улсын экспертүүдээр хянуулах;
-Шинэ төв цэвэрлэх байгууламжийн Туул-1 коллекторын хэсэгт газар олгосон асуудлыг хууль хяналтын байгууллагад шилжүүлэх;
-Дорнод аймгийн цэвэрлэх байгууламжийн зураг төслийг нэг маягийн зураг төслөөр явуулж болох эсэхийг судлаж, дүгнэлт гарган яаралтай шийдвэрлэх;
-Барилгын ажлын улирал эхлэж буйтай холбогдуулан харьяа төслүүдийн үйл ажиллагааг эрчимжүүлж, газар дээр нь ажилласан тайлан дүгнэлтийг удирдлагад танилцуулах;
-“President club”-ын байгаль орчны үнэлгээ хийгдэж дууссан тул “Усны сан бүхий газар, усны эх үүсвэрийн онцгой болон энгийн хамгаалалтын, эрүүл ахуйн бүсийн дэглэмийг мөрдөх журам”-д хамгаалалтын зурвасыг зохицуулах саналыг боловсруулж, батлуулах ажлыг зохион байгуулах;
-Ус бохирдуулагч 70 аж ахуйн нэгжид урьдчилан цэвэрлэх байгууламжийн технологийн зааварчилгаа, зөвлөмж өгөх ажлыг шуурхай зохион байгуулна гэж Барилга, хот байгуулалтын яамнаас мэдээллээ. 

Барилга, хот байгуулалтын сайдын шуурхай хуралдаан боллоо   
Үзсэн: 1108 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2024-04-03 16:45
Sain bna uu bi sayxan xoroolold bair absan COX baixgvi uchir deeber bolon orfsnii zasbariig xoroo xariufsaxgvi geed baixii xaana xandax be

Бидэнтэй нэгдээрэй