Шууд Chart

Холын зайн шидэлтийн төрөлд Г.Дармаажанцан, ур чадварын төрөлд Х.Нямдорж нар аваргалав

2024-04-02 16:40:10

Биеийн тамир, спортын улсын хороо, Монголын үндэсний бөхийн холбоо, “Мөнгөн цагариг” клуб хамтран зохион байгуулж буй бөхчүүдийн сагсан бөмбөгийн аварга шалгаруулах тэмцээн Спортын төв ордны А зааланд хоёр дахь өдрөө болж байна.
 
Биеийн тамир, спортын салбар үүсэж хөгжсөний 100 жилийн ойг тохиолдуулан зохион байгуулж буй тус тэмцээний ур чадвар болон холын зайн шидэлтийн аваргууд дөнгөж сая тодорлоо.
 
Холын зайн шидэлтийн аваргаар Ховд аймгийн Дөргөн сумын харьяат, аймгийн арслан Галбадрахын Дармаажанцан (15 оноо) тэргүүн байр эзэлсэн бол ур чадварын өрсөлдөөнд Булган аймгийн Хутаг-Өндөр сумын харьяат, аймгийн начин Хүүхэнсүрэнгийн Нямдорж түрүүллээ.
 
Холын зайн шидэлтийн аварга Г.Дармаажанцан нь 2020 онд аймгийн заан, 2022 онд аймгийн арслан цол хүртсэн бол ур чадварын тэмцээнд түрүүлсэн Х.Нямдорж 2011 онд сумын заан цол хүртэж, дараа нь тус цолыг дөрвөн удаа баталж, 2022 онд аймгийн начин цол хүртсэн бөх юм гэж Биеийн тамир, спортын улсын хорооноос мэдээллээ. 
 

Холын зайн шидэлтийн төрөлд Г.Дармаажанцан, ур чадварын төрөлд Х.Нямдорж нар аваргалав  
Үзсэн: 3093 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2024-04-02 20:57
анхдагч юм аа баяр хүргэе

Бидэнтэй нэгдээрэй