Кино найруулагч, зохиолч Мижиддалайн Энхдалай удахгүй хийгдэж эхлэх “Ээж” уран сайхны киноныхоо тухай хэвлэлийн бага хурал хийлээ. Энэхүү киног бүтээхдээ дөрвөн улирал дамнуулан зураг авалт хийж багагүй цаг хугацааг зарцуулсан байна. Эх хүний хамгийн аугаа хайрын оргил цэг чухам хаана байж болох талаар өгүүлсэн тус кинонд олон сайхан ээжүүдийн бодит амьдралыг шингээж байгаа аж. Найруулагч М.Энхдалай ээжүүдээс өөрсдийнх нь тухай болон бусад ээжүүдийн түүхүүдийг захидлаар хүлээн авч кинондоо оруулах юм байна.