Үндэсний телевиз
Цагийн хүрд
Найм арваннэг
Эмэгтэйчүүдийн волейболын шөвгийн наймын тоглолт болж хагас шигшээд өрсөлдөх багууд тодорлоо. Шөвгийн наймын эхний хэсэгт БНСУ-ын баг Нидерландын багийг 3:1-ээр хожиж, дараагийн шатандаа шалгарсан юм. Хоёр дахь хэсэгт АНУ, Японы шигшээ багтай таарч өрсөлдөв. Ингээд 3:0-ээр АНУ-ын баг хожиж, хагас шигшээд өрсөлдөх эрхээ олж авсан.
Гурав дахь хэсгийн тоглолтод Сербийн баг ОХУ-ын баг тамирчдыг мөн 3:0-ээр хожиж, дараагийн шатанд өрсөлдөх боломжтой болсон юм.
Сүүлийн дөрөв дэх хэсгийн тоглолтод Бразил, БНХАУ-ын баг таарч, хоорондоо өрсөлдсөн. Хоёр багийн хооронд эн тэнцүүхэн өрсөлдөөн өрнөж, таван үе тоглосны дараагаар Хятадын баг 15:13-аар хожиж хагас шигшээд үлдлээ. Сүүлийн хоёр олимпод дараалан алтан медалийн эзэн болж байсан Бразилийн шигшээ баг энэ удаад БНХАУ-ын багт 3:2-оор хожигдлоо. Эх орныхоо дэвжээн дээр ялагдсан Бразилийн багийн тамирчид "Рио-2016" наадмыг нулимстай үдэж байна.
| БНХАУ-ын волейболын эмэгтэй баг хагас шигшээд шалгарлаа | ||
| Үзсэн: 1726 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.