“Рио 2016” зуны олимпийн наадмын сагсан бөмбөгийн эмэгтэй багийн алтан медалийн төлөөх тоглолт болж өнгөрлөө. Энэ удаагийн тоглолт АНУ болон Испанийн шигшээ багуудын хооронд явагдаж, 101:72-ын харьцаатайгаар АНУ-ын  шигшээ баг өрсөлдөгч багаа  29 онооны зөрүүгээр  ялснаар алтан медаль хүртэж “Рио 2016” олимпийн наадмын аварга боллоо. Ингэснээр тэд сүүлийн зургаан олимпдоо дараалан түрүүлж байна.

Харин Испанийн шигшээ баг өрсөлдөгчдөдөө ялагдсанаар олимпийн наадмаас мөнгөн медаль хүртлээ. Тэдний хувьд олимпийн наадмаас анх удаагаа мөнгөн медаль хүртэж байгаа юм.

Дашрамд дуулгахад, энэ хоёр баг хамгийн сүүлд 2014 оны ДАШТ-д аваргын алтан медалийн төлөө өрсөлдөж, АНУ-ын шигшээ баг ялж байсан юм. Олимпийн наадамд тэд нийтдээ есөн удаа оролцож байсан байна.