Усны газраас усны нөөц бохирдож, хомстохоос хамгаалах зорилгоор Монгол орны баруун бүсэд байдаг томоохон нууруудыг хамгаалах ажлыг хэрэгжүүлж эхэлжээ.

Тодруулбал, Хар ус нуур орчмын эко системд хамаарах Хар ус нуур, Дөргөн нуур, Чоно харайхын гол, Буянт гол, Ховд голыг хамгаалах юм байна.

Энэ хүрээнд Дөргөн нуур, Хар ус нуур болон Чоно харайхын голын асуудлыг шийдэхээр судалгаа хийж байгаа юм.

Түүнчлэн Дөргөн сумын хүн амын усны хангамжийн асуудлыг шийдвэрлэх зорилгоор Дөргөн нуурын усыг цэвэршүүлэх хувилбарууд боловсруулж байна.

Хар ус нуурын эко системийг цогцоор нь хамгаалснаар баруун бүсийн усны нөөцийг бохирдох, хомстохоос сэргийлж чадна гэж Усны газрын хэлтсийн дарга н.Сайханжаргал хэллээ.