Шууд Chart

Галт тэрэгний хөдөлгөөний аюулгүй байдлын зөвлөгөөн боллоо

2023-05-25 16:22:45

Галт тэрэгний хөдөлгөөний аюулгүй байдлыг хангах үйл ажиллагааны туршлага, мэдээлэл солилцох зөвлөгөөнийг ”Зам, тээврийн хөгжлийн яам, Улаанбаатар төмөр зам ХНН, Галт тэрэгний хөдөлгөөн зохицуулалтын нэгдсэн төв УТУГ хамтран өнөөдөр /2023.05.25/ зохион байгууллаа.
 
Монгол Улсын төмөр замын сүлжээ болон тээвэрлэлт өсөн нэмэгдэж байгаатай холбогдуулан төмөр замын суурь бүтэц эзэмшигч байгууллагуудын галт тэрэгний хөдөлгөөний аюулгүй байдлыг хангах үйл ажиллагааны туршлага, нэгдсэн технологи, тулгарч буй цаг үеийн асуудлыг энэ үеэр хэлэлцэж, санал солилцов.
 
Тус зөвлөгөөнд Зам, тээврийн хөгжлийн яамны Салбарын хяналтын газрын улсын ахлах байцаагч Д.Батхүү "Төрийн хяналт шалгалтын тухай хууль /нэмэлт өөрчлөлт/, нийтлэг журам, Салбарын хяналтын тогтолцоо, эрсдэлийн шалгуур үзүүлэлт, хяналтын хуудас" сэдвээр илтгэл танилцуулж, тус яамны Салбарын хяналтын газрын дарга Б.Бат-Өлзий, Төмөр зам, далайн тээврийн бодлогын хэрэгжилтийг зохицуулах газрын хэлтсийн дарга Х.Итгэлт, Хуулийн хэлтсийн дарга С.Мяндасмаа нар оролцож, санал солилцлоо.
Эх сурвалж: ЗТХЯ

Галт тэрэгний хөдөлгөөний аюулгүй байдлын зөвлөгөөн боллоо  
Үзсэн: 374 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй