Өнгөрсөн онд 70 гаруй охин бэлгийн хүчирхийлэлд өртсөн байна. Энэ бол цагдаагийн байгууллагад мэдэгдсэн тоо. Үүний цаана хичнээн хүүхэд ямар байдалтай байгааг бид мэдэхгүй. Байж боломгүй энэ хэргийг ил гаргахад иргэн хүн бүрийн үүрэг оролцоо чухал гэж хүүхэд хамгааллын мэргэжилтнүүд хэлдэг. Энэ чиглэлд Хүний эрхийн үндэсний комисс тасралтгүй ажиллаж төр засагт тайлан, илтгэлээрээ дохио өгдөг ч гэлээ өнөөдөр дорвитой өөрчлөлт алга байна. Тус байгууллагын энэ ажлыг дэмжих зорилгоор НҮБ-ын Хүн амын сан хамтран ажиллахаар боллоо. Тэд өнөөдөр хамтран ажиллах гэрээнд гарын үсэг зурлаа.

Хүний эрх бүх хүнд чухал, ижил тэгш байх учиртай. Ялангуяа охид, эмэгтэйчүүдийн эсрэг бэлгийн хүчирхийллийг таслан зогсооход онцгой анхаарч ажиллахад бидний ажил чиглэнэ гэж НҮБ-ын Хүн амын сангийн суурин төлөөлөгч Наоми Китахара хэлсэн үгэндээ онцолсон юм. Одоо та бүхэн Хүний эрхийн үндэсний комиссын дарга Ж.Бямбадоржийн ярианд анхаарлаа хандуулна уу.