Монгол цэргийн музейн хамт олон гурван үеийн ахмадуудаа хүлээн авч “Уулзалт шинэчлэл” нэртэй уулзалт зохион байгуулав. Монголд орчин цагийн музей байгуулагдсаны 90 жилийн ойг тохиолдуулан хавсран тэмдэглэж буйгаараа онцлог аж. Энэхүү арга хэмжээг музейн ахмад болон дунд, залуу үеийнхний харилцаа холбоог бэхжүүлэх, ахмад ажилчдынхаа туршлага, зөвлөгөөг сонсохын зэрэгцээ музейн удирдлага хамт олоны зүгээс хийж бүтээсэн ажил, үйлчилгээгээ танилцуулж, тайлагнах зорилгоор уламжлал болгон жил бүр зохион байгуулж байгаа юм.

  Энэ үеэр Батлан хамгаалахын сайдын тушаалаар “Ахмадын алдар медаль”-иар Т.Жавзанпагма, Б.Ямагтдэлгэр, Л.Шүхэрт нар, Монголын үйлдвэрчний эвлэлийн “Соёлын тэргүүний ажилтан”-аар Б.Цэцэгмаа, Д.Нямсүрэн, Ж.Тогоонтөмөр, Г.Дашдондов нар, Монголын эмэгтэйчүүдийн зөвлөлийн “Хүндэт тэмдэг”-ээр Н.Цэндхүү, М.Алтанцэцэг нар тус тус шагнагдсаныг захирал, хурандаа Г.Золзаяа гардуулан өгч Монгол цэргийн музейн “Хүндэт дэвтэр”-т Б.Дашням, М.Амгалан нарын нэрийг алдаршуулан, өргөмжлөл хадгалууллаа.