Шууд Chart

Ахмад хөл бөмбөгчид аваргаа тодрууллаа

2016-06-21 17:33:19

Үе үеийн шилдэг хөл бөмбөгчдийн ширүүн өрсөлдөөн явагддаг ахмадын УАШТ энэ сарын 13-нд эхэлж, өнөөдөр аваргуудаа тодрууллаа. Хамгийн өндөр нас болох 60-аас дээш насны ангиллын шигшээ тоглолтод "Сансар" , "Хүрээ хөвгүүд" багийг 3:0-ээр буулган авч түрүүлсэн. Харин энэ ангиллын хүрэл медалийг БХИС-ийн "Соёмбын Барсууд" клуб хүртлээ.

Хэдий хур бороотой байсан ч ахмад хөл бөмбөгчид байгалийн саадыг үл ажран тун ширүүн өрсөлдөөн үзүүлсний нэг нь 55-60 хүртэлх насны шигшээ тоглолт байсан. "Замчин Зүтгүүрийн Депо" 1:0-ээр хожигдож яваад эцсийн мөчид "Хөдөлмөр" багийг 2:1-ээр ялалт байгуулсан.

"Замчин Зүтгүүрийн Депо" багийн 49-54 насныхан мөн аваргын төлөө тоглолтод "Соёмбын Барсууд"-ыг 2:0-ээр хожиж ах нарынхаа амжилтыг давтлаа. Харин 43-48 хүртэлх насны шигшээд шалгарсан "Оюутан", "Эрчим"-ийг 4:0-ээр хожсон нь өнөөдрийн хамгийн хол зөрүүтэй ялалт байлаа. Тэмцээний хамгийн залуу төрөл болох 37-42 насны шигшээ тоглолт "Гоёо", "Замчин" багийн хооронд өрнөхөд үндсэн цаг 2:2-оор өндөрлөсөн. Ялагчийг торгуулийн цохилтоор тодруулахад багууд мөн л эн тэнцүү өрсөлдөж, 11-10 харьцаатайгаар "Гоёо" клуб хожиж, аваргаллаа.

Дэлгэрэнгүйг ЭНДЭЭС  уншаарай.


Ахмад хөл бөмбөгчид аваргаа тодрууллаа   
Үзсэн: 1237 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй