Үндэсний телевиз
Цагийн хүрд
Найм арваннэг
Монгол Улсад гаднаас зөөвөрлөгдөж ирсэн буюу коронавируст "COVID-19" халдварын нийт батлагдсан тохиолдлын тоо 30 боллоо. Тухайлбал, ОХУ-аас эх орондоо ирсэн 282 иргэнээс сэжигтэй тохиолдлын ойрын хавьтал болох 30 хүнд шинжилгээ хийхэд 13 нь "COVID-19" халдвартай болох нь батлагджээ.
Эдгээр иргэд нь 19-23 насны оюутнууд бөгөөд заримд нь 1-2 төрлийн шинж тэмдэг илэрсэн бол, ямар нэгэн шинж тэмдэг илрээгүй хүн ч байгаа аж. Тухайн иргэдийн 12 нь Улаанбаатар хотод, үлдсэн нэг нь Дархан-Уул аймагт тусгаарлагдсан бөгөөд өдгөө ХӨСҮТ-д авчирч тусгаарлах ажлыг зохион байгуулж байна.
ХӨСҮТ-д эмчлүүлж байсан нэг иргэн эдгэрч, өчигдөр эмнэлгээс гарсан бөгөөд ийнхүү нийт батлагдсан тохиолдлын 5 нь эдгэрч, 25 хүн эмчилгээ, шинжилгээ, хяналт, тандалтанд хамрагдаж байна. 2020 оны дөрөвдүгээр сарын 13-нд ХӨСҮТ-ийн хоёр лабораторид хийсэн 502 шинжилгээ буюу:
БНСУ-аас ирсэн 260
ОХУ-аас ирсэн 149
ХӨСҮТ-д тусгаарлагдсан 17
Дархан-Уул аймагт тусгаарлагдсан 44
Тандалт, судалгааны чиглэлээр сорьц цуглуулсан 19 хүний шинжилгээнд халдвар илрээгүй байна.
| ОХУ-аас ирсэн 13 иргэнээс "COVID-19" халдвар илэрлээ | ||
| Үзсэн: 1333 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.