Унаач хүүхдүүдийн эрхийг хамгаалах талаар яригдсаар байдаг боловч дорвитой арга хэмжээ авч энэ асуудлыг цэгцлэх тал дээр хойрго байсаар байна. Энэ жилийн Үндэсний баяр наадмаар 24 хүүхэд мориноос унаж гэмтсэн бол орон нутагт хоёр хүүхэд эндсэн ноцтой байдал гарлаа. Энэ байдалд НҮБ – ын Хүүхдийн сан дүгнэлт хийж Монгол Улсын засгийн газар хүүхдийн эрхийн хамгаалах асуудлаар олон улсын өмнө хүлээсэн үүргээ биелүүлэхийг анхааруулсан байна.