Шинэ коронавирусний улмаас уналтад ороод байгаа аялал жуулчлалын салбарыг эргэн сэргээхийн тулд олон улсын байгууллагуудын зөвлөмжийн дагуу, шинэ стратегиар ажиллана гэж албаныхан хэлж байна. Өнгөрсөн онд манай улс хамгийн их буюу хагас сая гаруй жуулчин хүлээж авсан. Ингэснээр 1.6 их наяд төгрөгийн эдийн засгийн үр өгөөжтэй ажиллажээ. Цаашид жуулчдын тоог нэг саяд хүргэхээр төлөвлөж байна гэж БОАЖЯ-ны газрын дарга н.Баясгалан хэллээ.