Малчид, ард иргэдэд зориулсан мэдээ: Өнөөдөр цаг агаар тогтуун өдөртөө бага зэрэг дулаарна.

Өнөөдөр 08 цагаас 20 цаг хүртэл ихэнх нутгаар багавтар үүлтэй, цас орохгүй. Салхи зүүн зүгийн нутгаар баруунаас, бусад нутгаар баруун өмнөөс секундэд 5-10 метр. Алтай, Хангай, Хөвсгөл, Хэнтийн уулархаг нутагаар 0-5 хэм, говийн бүс нутгаар 7-12 хэм, бусад нутгаар 4-9 хэм дулаан байна.

УЛААНБААТАР ХОТ: Багавтар үүлтэй. Цас орохгүй. Салхи баруун өмнөөс секундэд 5-10 метр. 6-8 хэм дулаан байна.

Өглөө 05 цагт Улаанбаатарт: 5 градус хүйтэн, харьцангуй чийг 64 хувь, агаарын даралт 864 гектопаскаль байлаа. Даралт өдөртөө тогтвортой байна.

2014 оны 11 дүгээр сарын 04-нөөс 2014 оны 11 дүгээр сарын 08-ныг хүртэлх
цаг агаарын урьдчилсан төлөв

Арваннэгдүгээр сарын 4-нд баруун болон төвийн нутгийн хойд хэсгээр, 5-нд нутгийн зүүн хагаст, 6-нд баруун зүгийн нутгаар, 7-нд баруун зүгийн нутгийн зүүн, төвийн нутгийн баруун хэсгээр бага зэргийн цас орно. Салхи 4-нд зарим газраар, 5-нд говь, талын нутгаар секундэд 12-14 метр хүрч ширүүснэ. 4-нд нутгийн хойд хэсгээр, 5-нд нутгийн зүүн хагаст хүйтэрч Хангай, Хөвсгөл, Хэнтийн уулархаг нутгаар шөнөдөө 14-19 хэм, өдөртөө 0-5 хэм хүйтэн, говийн бүс нутгийн өмнөд хэсгээр шөнөдөө 4-9 градус хүйтэн, өдөртөө 2-7 хэм дулаан, бусад нутгаар шөнөдөө 9-14 хэм хүйтэн, өдөртөө 2 хэм хүйтнээс 3 хэм дулаан байна. Хугацааны сүүлчээр өдөртөө бага зэрэг дулаарна.