Шууд Chart

Өнөөдөр гарах “Орон даяар” хөгжмийн нэвтрүүлэгт “Том” Жагаа тэргүүтэй уран бүтээлчид оролцоно

2021-12-05 14:27:08

МҮОНРТ-ээр “Орон даяар” хөгжмийн нэвтрүүлэг үзэгчдэд хүрч эхлээд байгаа билээ. Энэ жил алдарт “Соёл-Эрдэнэ” хамтлагийн 50 жилийн ой тохиож байгаа тул уг баг хамт олон тус хамтлагийн тухай дөрвөн дугаар бэлтгэж байгаагийн төгсгөл нь өнөөдөр 21:10 цагаас гарна.

Дээрх нэвтрүүлгийн санаачлагчаар МҮОНРТ-ийн зөвлөх продюсер Б.Лхагвасүрэн ажиллаж байгаа юм.

Өнөөдрийн дугаарт “Соёл эрдэнэ” хамтлагийн ахмад уран бүтээлчид болон Монгол Улсын гавьяат жүжигчин Т.Ариунаа, Г.Жаргалсайхан (Том Жагаа), төгөлдөр хуурч Б.Чинбат, “Люмино”, “Sweetemotion” хамтлаг оролцох нь ээ.

Тэд сүүлийн үеийн уран бүтээлээсээ хүргэхээс гадна “Соёл-Эрдэнэ” хамтлагийн талаар ярилцах юм байна.

Сонирхуулахад, тус нэвтрүүлгийг 120 орчим хүний бүрэлдэхүүнтэйгээр хийж гүйцэтгэж байгаа аж.

Нийтэлсэн: У.Баярсайхан

Өнөөдөр гарах “Орон даяар” хөгжмийн нэвтрүүлэгт “Том” Жагаа тэргүүтэй уран бүтээлчид оролцоно   
Үзсэн: 394 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй