Шууд Chart

“Олимпизм-соёл-спорт” сэдэвт олимпиад болж байна

2024-04-12 15:56:05

Биеийн тамир, спортын улсын хороо, МҮОХ, Монголын үндэсний олимпын академи хамтран “Олимпизм 3+5” хөтөлбөрийг хэрэгжүүлж байгаа билээ.
 
Энэ хүрээнд ерөнхий боловсролын 58 дугаар сургуулийн спорт зааланд “Олимпизм-Соёл-Спорт” сэдэвт олимпиадыг гурав дахь жилдээ зохион байгуулж байна.
 
Олимпын боловсрол, бие бялдрын хөгжил, хүмүүжлийн чанарыг дээшлүүлэх зорилго бүхий энэ хөтөлбөрт гурван цэцэрлэг, ерөнхий боловсролын таван сургуулийн хүүхэд багачууд хамрагдаж байна.
 
Тус олимпиадын нээлтийн ёслолд Биеийн тамир, спортын улсын хорооны Биеийн тамирын бодлогын хэрэгжилтийн хэлтсийн дарга О.Баасан, МҮОХ-ны тэргүүн дэд ерөнхийлөгч Ч.Наранбаатар, Нийслэлийн ерөнхий боловсролын Спортын төв сургуулийн захирал Ч.Зоригтбаатар, 58 дугаар сургуулийн захирал Д.Болд нар оролцлоо.
 
Олимпиадыг эртний грекийн олимпын наадам, орчин үеийн олимпын наадам, биеийн тамирын онолын хичээлийн мэдлэг, Монголын олимпын хөдөлгөөн, Монгол Улсын олимпын медальтнууд гэсэн сэдвийн хүрээнд шалгалт явуулж, байр эзлүүлэх юм. Мөн зиг заг гүйлт, уртын харайлт, гар дээр суниах, цагаригт бөмбөг шидэх, буухиа гүйлтийн тэмцээн болж байна гэж Биеийн тамир, спортын улсын хорооноос мэдээллээ. 

“Олимпизм-соёл-спорт” сэдэвт олимпиад болж байна  
Үзсэн: 1164 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй