Дорнод аймаг “Хүлэмж төсөл" хэрэгжүүлж өнгөрсөн онд 53.5 тн ургац хураан авсан байна. Тиймээс энэ жил 720 сая төгрөгөөр хүлэмж барих төсөл хэрэгжүүлэхээр болжээ.

Өнгөрсөн онд улс, орон нутгийн төсөв, төсөл хөтөлбөр, хувийн хэвшлийн хөрөнгө оруулалтаар хүнсний ногооны үйлдвэрлэлд нэг тэрбум орчим төгрөгийн хөрөнгө оруулалт Дорнод аймагт хийжээ. Үүнд, хүлэмж, зоорийн засвар, шинээр зоорь байгуулах, услалтын систем сэргээн засварлах, хүнсний ногооны үрийн дэмжлэг зэрэг багтаж байна.

Зөвхөн хүлэмж төслийн хүрээнд нийт 10.7 мянган м2 талбай бүхий 311 нийлэг хальсан хүлэмжийг 14 суманд хуваарийн дагуу нийлүүлсэн. Үүний 743 хүлэмжнээс нийт 53.5 тн ургац хураажээ.

Дорнод аймгийн Хүнс хөдөө аж ахуйн газрын Үйлдвэрлэл үйлчилгээний албаны дарга н.Самбуубаатарын яриаг сонсгоё.

Түүнчлэн Дорнод аймгийн хэмжээнд 4 мянган тоннын багтаамжтай нийт 376 ширхэг зоорь бүртгэлтэй бөгөөд нийт зоорийн 16 хувь нь Хэрлэн суманд төвлөрч байна.

Өнгөрөгч онд Баян-Уул суманд шинэ зоорь барьж, харин Булган, Гурванзагал, Сэргэлэн сумдад хүнсний ногооны зоорь сэргээн засварлах ажил хийсэн байна.