Цаг уур, орчны шинжилгээний газраас гаргасан 2018 оны 3 дугаар сарын 26-наас 4 дүгээр сарын 2-ныг хүртэлх 7 хоногийн цаг агаарын урьдчилсан мэдээг та бүхэнд хүргэж байна.

- Хугацааны эхэн болон сүүлчээр хүчтэй салхи шуургатай хүйтэн байна -

Баруун аймгуудын нутгаар: Гуравдугаар сарын 26-нд нутгийн хойд хэсгээр, 27,29,31-нд зарим газраар, 28,30-нд нутгийн баруун хэсгээр бага зэргийн хур тунадас цас орно. Салхи 26-нд Алтайн уулархаг нутгаар, 31-нд зарим газраар 16-18м/с, зарим үед түр зуур 20-24 м/с хүрч шороон болон цасан шуурга шуурна. Увс нуур, Идэр, Тэсийн хөндий, Завхан голын эхээр шөнөдөө 9-14 хэм хүйтэн, өдөртөө 3-8 хэм дулаан, Алтайн өвөр говиор шөнөдөө 3-8 хэм, өдөртөө 16-21 хэм дулаан, бусад нутгаар шөнөдөө 3-8 хэм хүйтэн, өдөртөө 9-14 хэм хүрч дулаарна. 31-нд нутгийн хойд хэсгээр, 1-нд ихэнх нутгаар хүйтэрнэ. 

Төвийн аймгуудын нутгаар: Гуравдугаар сарын 26-нд нутгийн хойд хэсгээр, 27-нд зарим нутгаар, 29,31-нд нутгийн баруун хойд хэсгээр, 30,1-нд ихэнх нутгаар хур тунадас, нойтон цас орно. Салхи 27,31-1нд зарим газраар түр зуур 16-18м/с, нутгийн өмнөд хэсгээр зарим үед 20-24м/с хүрч цасан болон шороон шуурга шуурна. 26,30-нд зарим газраар 12-14м/с хүрч ширүүснэ. 26,31-нд ихэнх нутгаар шөнөдөө 0-5 хэм өдөртөө 15-20 хэм хүрч дулаарна. Бусад хугацаанд Дархадын хотгор, Ерөө голын хөндий, Хэнтийн уулсаар шөнөдөө 8-13 хэм хүйтэн өдөртөө 3-8 хэм дулаан, бусад нутгаар шөнөдөө 3-8 хэм хүйтэн, өдөртөө 8-13 хэм дулаан байх ч 1-нд бүх нутгаар эрс хүйтрэх төлөвтэй.

Зүүн аймгуудын нутгаар: Гуравдугаар сарын 27-нд зарим газраар, 30-нд нутгийн баруун хэсгээр, 31-нд нутгийн зүүн хэсгээр бага зэргийн хур тунадас, 1-нд ихэнх нутгаар хур тунадас нойтон цас орно. Салхи 27,1-нд зарим газраар 16-18м/с, зарим үед түр зуур 20-24м/с хүрч шороон ба цасан шуурга шуурна. 26, 30-31-нд зарим газраар 12-14 м/с хүрч зөөлөн шороогоор шуурна. 27-28-нд бага зэрэг сэрүүснэ. 26,29-31-нд Онон, Улз, Халх голын хөндийгөөр шөнөдөө 1-6 хэм хүйтэн, өдөртөө 8-13 хэм дулаан, бусад нутгаар шөнөдөө 1-6 хэм, өдөртөө 15-20 хэм хүрч дулаарна. 1-нд нутгийн баруун хэсгээр, 2-нд ихэнх нутгаар эрс хүйтэрнэ.

Говийн аймгуудын нутгаар: Гуравдугаар сарын 30-нд зарим газраар, 1-нд нутгийн хойд хэсгээр хур тунадас орно. Салхи 26,30-31нд Арц Богдын өвөр хоолойгоор, 27, 1-нд зарим газраар түр зуур 16-18м/с, 1-нд зарим үед 20-24м/с хүрч шороон шуурга шуурна. 28-нд нутгийн зүүн хагаст сэрүүн байх ч бусад хугацаанд ихэнх нутгаар шөнөдөө 3-8 хэм, өдөртөө 16-21 хэм хүрч дулаарна. Зөвхөн дөрөвдүгээр сарын 1-нд ихэнх нутгаар хүйтэрнэ.