Өнгөрсөн шөнийн эхний тоглолт Колумби, Зааны ясан эрэг улсын шигшээ багийн хооронд болов. Талуудын  аль аль нь эхний  тоглолтдоо ялалт байгуулсан. C хэсэгт нэг, нэг хожилтой тэргүүлж явсан хоёр багийн тоглолт эхний хагаст гоолгүй өндөрлөсөн ч 64 дэх минутад Колумбийн Хамес Родригес, 70 дахь минутад Хуан Квинтера тус тус гоол оруулснаар тооны харьцаа 2:0 болсон.
Тоглолтын хоёр дахь гоолоос гуравхан минутын дараа Зааны ясан эргийн хөлбөмбөгч Жервиньо Колумбийн хаалганд довтолгоо хийж гоолын бөмбөг шигтгэснээр тооны харьцаа 2:1 болгож тоглолтыг өөрчилсөн юм. Ингэснээр хэсгийн эхний тоглолтод Грекийг 3:0-ээр хожсон. ДАШТ-нд Колумбийн баг хүчирхэг Кот Дивуарчуудыг 2:1-ээр буулган хоёр дахь хожлоо авч хэсгээ хожигдолгүй итгэл төгс тэргүүлж эхэллээ. Хэсгийн сүүлийн учраа болох Японы шигшээтэй ирэх мягмар гарагийн шөнө буюу 25-ны 04.00 цагаас тоглоно. Харин Зааны ясан эргийн шигшээ багийн хувьд нэг хожил, нэг хожигдолтой тэмцээнийг үргэлжлүүлж байна. Өмнөх тоглолтдоо Японыг хожиж чадсан тэдний хувьд үлдсэн тоглолт болох Грекийг "аргалчихад" л хэсгээсээ гарч дараагийн шатанд шалгарах боломжтой юм. Тиймээс Кот Дивуарчуудад боломж бий. Харин хэсгээсээ хоёроор гарч чадсанаар тэдний хувьд D хэсгээс нэгээр гарсан багтай учраа таарна. Одоогоор D хэсэгт Англиас бусад багууд болох Итали, Уругвай, Коста Рикагийн шигшээ 3 оноотой тэмцээнийг үргэлжлүүлж байгаа.