Үндэсний телевиз
Цагийн хүрд
Найм арваннэг
Цэнхэр гаригийн хамгийн өндөр цэгт тооцогдох далайн төвшнөөс дээш 8848 метрийн өндөрт орших Эверест ууланд Монголын уулчин, ОУХМ А.Баттогтох, Б.Батхишиг нар өнгөрсөн долоо хоногт авиралтаа эхлүүлж, өнөөдөр оргилд амжилттай гарчээ. Тэд Эверестийн оргилд мөрөө үлдээсэн Монголын 15, 16 дахь уулчин болж байна.
Дэлхийн зулайд өмнө нь манай улсаас гавьяат тамирчин
- Г.Өсөхбаяр (2005 онд),
- Б.Гангаамаа (2011 онд),
- ОУХМ С.Бат-Эрдэнэ (2012 онд),
- Л.Баярсайхан (2012 онд),
- Гавьяат тамирчин Б.Цэвээндаш (2012 онд),
- ОУХМ Ц.Цогзолмаа (2012 онд),
- Ж.Бямбасүрэн (2018 онд),
- Б.Гантулга (2022 онд),
- О.Золбоохүү (2023 онд),
- С.Ганхүү (2023 онд),
- Ц.Гэрэлт-Од (2023 онд),
- Ц.Анхбаяр (2023 онд) нар амжилттай авиран эсэн мэнд буусан бол Л.Пүрэвсүрэн, Ц.Өсөхжаргал нар (2024 онд) Эверестийн оргилд гарсан боловч буух замдаа харамсалтай нь нас барсан.
Эверестийн оргилд Монголын уулчин (гавьяат тамирчин Г.Өсөхбаяр) анх мөрөө гарсанаас хойш 20 жил өнгөрсөн ба Эверестийн оргилд мөрөө гаргасан анхны монгол эмэгтэй уулчин нь гавьяат тамирчин Б.Гангаамаа билээ.
Эх сурвалж: Биеийн тамир спортын хороо
| Монголын хоёр уулчин Эверестийн оргилд амжилттай гарчээ | ||
| Үзсэн: 216 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.